PRIMEIRO DÍA DE CLASE!

    Hoxe día 28 de febreiro de 2011 comezamos as clases de Innovación Educativa na EUFP de Lugo (USC). Estivemos a falar sobre o que é a innovación, podendo ver que non hai unha definición clara e establecida, senón que cada autor ten a súa propia. Iso si, unha cousa é segura, a innovación educativa é facer algo diferente, é dicir, trocar algo no proceso de ensinanza-aprendizaxe para cando menos obter unha mellora.

    Na clase fixemos catro grupos, nos que debatemos sobre dúas cuestións: que actitudes podemos relacionar coa innovación educativa?  De parte de quen?

    As respostas de cada un dos grupos están expostas na seguinte táboa. Algúns aspectos desta (quinta columna) serán explicados a continuación.

ACTITUDES	-Novidade -Motivación -Preocupación -Curiosidade -Predisposición -Empatía	-Non ter medo a experimentar con nenos -Metodoloxías de ensinanza	-Aceptación -Respecto -Coherencia -Cooperación	-Iniciativa Vontade -Responsabilidade(social) -Respecto -Sentido crítico -Coherencia
PROCESOS DE INVESTIGACIÓN	-Escola -Tempo libre -Entorno	-Investigar -Experimentar -Comparación de resultados	-Busca de información -Consulta de bibliografía -Compartir información e experiencias -Entrevistar	-Reciclaxe/ Formación continua -Busca de novos métodos e informacións -Adaptación a novos recursos -Adaptación do proceso ensinanza-aprendizaxe segundo a sociedade cambia
DE QUEN?	-Mestres -Monitores -Familia	-Os distintos niveis de concreción curricular	-Mestres -Alumnos -Familia	- Mestres e administración principalmente - Comunidade educativa en xeral

    A explicación da quinta columna é a seguinte:

        

        ACTITUDES:  iniciativa e vontade de cambio; responsabilidade social e coa propia labor docente; respecto polos nenos, pola sociedade, pola profesión de mestre e por un mesmo; sentido crítico, é dicir, ter a capacidade de razoar e facer unha crítica constructiva da labor levada a cabo polo mestre e os resultados obtidos, así como facer unha crítica do propio sistema educativo e dos cambios normais da sociedade e do entorno; e coherencia, é dicir, no caso de modificar, ou facer algo orixinal, terá que gardar coherencia co que queremos obter e, por suposto, terá que ser un cambio nalgunha cuestiñin na que tras avaliar a nosa labor docente, o mestre vexa algunha carencia ou erro. 

        PROCESOS: formación continua, un mestre non poderá ser innovador nin orixinal se non se segue formando despois de obter o título de maxisterio, mentres sexa novo pode que si, pero despois de trinta anos seguirá tendo os mesmos coñecementos; busca de novos métodos e informacións; adaptación aos novos recursos, por exemplo: as novas tecnoloxías da información e da comunicación (na actualidade son moitos os docentes, xa maiores na súa maioría, que son aleccionados polos seus propios alumnos neste tema, e non ao revés que é como debería ser); e adaptación do proceso de ensinanza-aprendizaxe na escola segundo as variacións da sociedade (cambios sociais), porque a escola pretende preparar aos nenos para que se relacionen e interactúen en su entorno. Se este cambia, a escola debe cambiar.

        DE QUEN: principalmente dos mestres e da administración, por exemplo obrigar ou recompensar a formación continua cada certo tempo; malia isto, cremos que en xeral debe ser toda a comunidade escolar a que axude no proceso de innovación educativa: administración, claustro, familias...incluso tendo en conta as opinións, suxerencias e preferencias dos propios alumnos (non temos porque traballar só con unidades didácticas ou co libro de texto de toda a vida.... podemos facer que os nenos traballen con proxectos e centros de interese, os cales poden elixir eles mesmos).

MAROÑO RODRÍGUEZ, PABLO